दिभना ग्रामपंचायत

आपल्या डिजिटल पोर्टलवर स्वागत आहे

ग्रामपंचायत दिभना हे गाव गडचिरोली पासून 7 km अंतरावर असून अतिशय स्वच्छ व सुंदर गाव आहे.
गावाची लोकसंख्या – 1624 असून महिला 804 व पुरुष 820 इतके आहेत. दिभना हे गाव अनेक पुरस्काराने सन्मानित असून संत गाडगेबाबा स्वच्छता अभियानाचे तालुकास्तरीय प्रथम, जिल्हास्तरीय प्रथम व विभागस्तरीय तृतीय पुरस्कार प्राप्त आहे. महाआवास अभियानाचे जिल्हास्तरीय प्रथम पुरस्कार मिळालेला असून जिल्ह्यातील सर्वोत्तम ग्रामपंचायत म्हणून जिल्हा परिषदेनें सत्कार केलेला आहे. स्मार्ट ग्राम म्हणून दिभना ग्रामपंचायतीची ओळख असून गावाने लोकसहभाग आणि श्रमदानातून अनेक कामे पार पाडली आहेत. गाव हागणदारीमुक्त असून ODF+ मॉडेल झालेले आहे. गाव हर घर जल घोषित आहे. गावात घनकचरा व सांडपाणी यांचे व्यवस्थापन उत्तम असून घरोगरी ओला व सुका कचरा वर्गीकरण केले जात असून ग्रामपंचायतीची कचरा गाडी गावात फिरविली जाते. कुंड्यांच्या संख्येनुसार गावात कंपोस्ट खड्डे असून गावात गटराच्या शेवटी शोषखड्डे बनविण्यात आलेले आहेत. सर्व शासकीय इमारतींवर रेन वॉटर हार्वेस्टिंग करण्यात आलेले आहे.